दिशानिर्देश समाचार, महेन्द्रनगर, १२ चैत्र
नेपाल पत्रकार महासंघका पूर्व अध्यक्ष स्व. पत्रकार कर्ण बोहरा द्वारा लिखित गीति एल्बम ममताको एक कार्यक्रमका विच विमोचन गरिएको छ ।
नेपाल पत्रकार महासंघ कञ्चनपुरको आयोजनामा सम्पन्न भएको उक्त कार्यक्रममा स्व. पत्रकार बोहरा द्वारा लिखित तथा गायक शिशिर योगीको स्वर रहेको उक्त एल्बम ‘ममता’को विमोचन गरेको थियो । कार्यक्रममा कञ्चनपुर जिल्ला स्थित विभिन्न पत्रकारहरुको उपस्थिति रहेको थियो । उक्त एल्बम विक्रीबाट उठेको रकम उनकी पत्नीको इच्छानुसार नेपाल पत्रकार महासंघलाई सम्झना स्वरुप एम्बुलेन्स खरीद गरेर दिने तथा बाँकी रकम स्व. पत्रकारकी पत्नीको मृगौला प्रत्यारोपणमा खर्च गरिने आयोजकले जनाएको छ । उनको गत मंसिरमा आफ्नी विरामी पत्नीको कुरुवा बसेको अवस्थामा अचनाक निधन भएको थियो ।
