दिशानिर्देश समाचार
महेन्द्रनगर, २० बैशाख
चीनको बुहान शहरबाट देखिएको कोरोना भाईरस यतिबेला विश्वका शक्तिशाली राष्ट्रदेखि विकासोन्मुख मुलुकसम्म प्रभाव पारेको छ । कोरोना भाईरस(कोडिभ १९) रोकथाम तथा नियन्त्रणका लागि दक्षिण एसियाका नेपाल–भारत दुवै देशले लकडाउन गरेको छ । तर, कतिपयले लकडाउनको उलङघन गर्दै फजुल घुमिरहेका छन् । यस्ता फजुल समुह व्यक्तिलाई प्रहरीले नियन्त्रणमा लिएर कार्बाही पनि गरिरहेको छ । लकडाउन सदुपयोग गर्न सके क्रियात्मक काम पनि भईरहेका छन् ।
आफ्ना खेतबारी बाँझा राखेर खाद्यान्नदेखि तरकारीसम्म भारतबाट आयात गरेर उपभोग गर्दै आएका नेपालीले अब घर घरमा तरकारी खेति गरेर लकडाउनको सदुपयोग गर्दै आत्मनिर्भर तर्फ उन्मुखको विकल्प छैन् । कञ्चनपुरमा अपाङ्गता भएका व्यक्तिपनि आफ्नो व्यक्तिगत शारिरिक पीडा छिचोल्दै लकडाउनको सदुपयोग गरिरहेका छन् । भीमदत्त नगरपालिका ६ऐठपुरका जिवन भट्ट अपाङ्गता भएका व्यक्ति हुन् । उनी लकडाउनमा घरमै फुलबारीदेखि बिग्रेका साईकल मर्मतमा जुटेका छन् । फुलबारीदेखि व्यवासयिक रुपमा उनीघरमै बिग्रेका साईकल मर्मत गरेर समयको समुपयोग गरिरहेका छन् । हामी नेपालीले पौरख गरे चट्यानमा समेत हराभर गर्न सकिन्छ । त्यसैले तपाई पनि आजदेखि लकडाउनको सदुपयोग गर्दै तरकारीखेती तर्फ उन्मुख भई आत्मनिर्भर बन्न प्रयास गर्दा आफ्नो र देशको भलो हुने देखिन्छ ।कुराकानी, गफगाफ र भाषणमा नभई व्यवहारिक जिवनमा नै आत्मनिर्भरका काम गरेमात्रै सुखी नेपाली सम्बृद्ध नेपालको परिकल्पना गर्न सकिन्छ ।